چک نمبر 225 گ۔ب (چگاواں)

تاریخی پس منظر: انگریزی دور سے نسبت

چگاواں کی تاریخ انگریز سرکار کے نہری نظام سے جڑی ہے۔ بنجر زمینوں کو آباد کرنے کے لیے مشرقی پنجاب سے سکھ خاندانوں کو یہاں لایا گیا۔ ان سکھ خاندانوں نے اپنے آبائی گاؤں کی یاد میں اس نئی بستی کا نام بھی "چگاواں" رکھا جو آج بھی قائم ہے۔

آبادی اور سماجی ڈھانچہ

گاؤں کی آبادی 4,200 نفوس پر مشتمل ہے جو 2.5 مربع رقبے پر پھیلی ہوئی ہے۔ اکثریتی آبادی جٹ برادری (سنگھیڑا جٹ اور ڈھلوں جٹ) پر مشتمل ہے جو اپنی محنت اور دیانتداری کے لیے مشہور ہیں۔

چگاواں کے نمبردار

زراعت و معیشت

گاؤں کا کل زرعی رقبہ 50 مربع ہے جو نہر گوگیرہ برانچ کے دو موگوں سے سیراب ہوتا ہے۔ اہم فصلوں میں گنا (کماد)، سرسوں، مکئی اور تل شامل ہیں۔ اگرچہ زمین کا بڑا حصہ سیم زدہ ہے، مگر کسان اپنی محنت سے بہترین پیداوار حاصل کرتے ہیں۔

نوجوان اور روزگار

گاؤں کے نوجوان پاک فوج اور پولیس جیسے سرکاری محکموں میں خدمات انجام دے رہے ہیں۔ اس کے علاوہ ایک بڑی تعداد بیرون ملک خصوصاً سعودی عرب اور دیگر خلیجی ممالک میں مقیم ہے جن کی ترسیلات زر گاؤں کی معیشت کا اہم حصہ ہیں۔